Baso palembang

Pagi  hari ke delapan puaso  aku nak nulis  baso palembang. Nah bukan sejarah baso palembang ato cikal bakal kota palembang tapi tulisan dalam baso wong kito. Caknyo mudah tapi kato wong  ngomongkenyo mudah baso palembang.Tapi waktu  sudah di tulis susah dibaconyo.
Kalu dak pecayo cobolah baco tulisan ini.  zaman begen dulu aku galak baco tulisan di koran lokal. disitu ado pojok mang juhai. kawan yang nulisnyo pakek baso palembang nian.  untungnyo kareno rajin baconyo jadi  lancar bae. Cobolah awak dak pernah atau jarang baco pasti susah nian.
Kalu baco mang juhai dan bik jubai itu pastilah tak tuk tak tuk, cak  kito baru belajar membaco.
Palembang memang kota tuo la ratusan tahun  umurnyo. banyak cerito dan kenangan di kota bari. Oh yo dulu disebut kota bari sekarang la diubah
Walau aku nih jauh dari situ tapi masih ingat memori memori dulu.
salah satunyo  suasano  puaso tempo dulu. Yang paling berkesan  iolah    jalan-jalan sudah sahur atau asmara subuh.
Di pucuk proyek (namo lain jembatan Ampera) wong mak semut  bejubel jubel .
Mulai dari pangkal sampai air mancur terus ke kambang iwak. di kambak iwak atau di air mancur wong cuma berputar putar bae.Tuo mudo kecik besak, lanang betino campur baur datang  dari seberang ulu maupun seberang ilir,ngandon galo ke kota. Padahal  di pikir sekarang apo dio nian kan katek yang nak dilihat  cuma ladas bae.  yong beceweak  sampe dak ingat lagi kalu itu bulan puaso.
 itulah  puaso era wong 80-90 an. Tapi sekarang katek lagi. maklum bae zaman la modren sudah diganti dengan  gadget
Kalu makanannyo  aku kiro dak banyak berubah , yo lontong, pempek,  celimpungan, laksan.